IMANOL YEREGI

Surfing Zumaia Imanol Yeregi euskal surflari ezagunaren proiektu berria da

Imanolek lehendabiziko olatuak bere herriko Itzurun hondartzan hartu zituen, baina etxean bere surfa hobetzeko aukera murriztuak zirela eta, Zarautzera joateko erabaki zuen. Bertan, inguruko surflari haundienengandik ikasteko aukera izan zuen, Zarautzen ibiltzen baitziren, besteak beste Aritz Aranburu, Hodei Collazo edo Axi Muniain. Horrela, bere surf ibilbideko lehen garaipenak oraindik ere oso gaztea zelarik iritsi ziren eta hori ikusita, Quicksilver etxeak bere taldean hartu zuen berehala. Quicksilver etxearen bitartez izan zuen Aitor Francesena Gallorekin entrenatzen hasteko eta bere lagun mina den Natxo Gonzalez ezagutzeko aukera.

Gaur egun 2018ko Euskal Surf Zirkuituko garailea da eta mundu mailako giran WQS txapelketetan parte hartzen du. Zumaian eta inguruan surflari gazteak trebatzeko eskola hau sortzea aspalditik zebilen Imanolen buruan bueltaka eta, azkenean, errealitate bihurtu da. Horrela uztartu nahi izan ditu Imanolek bere bizitza profesionala eta bere proiektu berria, Surfing Zumaia. Proiektu honekin, Imanolek, surfari buruz berak dituen ezagutzak inguruko gazteekin partekatu eta hauen surfa hobetzen laguntzea du helburu. Gazte hauek dituzten ametsak egia bihurtzeko ibilbidean lagundu nahi die Imanolek.